صدام حسين

عاش بقوة ورحل بقوة

فى ذكرى استشهاد البطل صدام حسين

لابد ان نتذكر العار الذى لحق بنا لابد ان ننظر على العراق الان بعد رئيسها الشرعى

اين العراق واين نحن واين الرئيس البطل صدام حسين

فلتنعم ايران بمفاعلها النووى ولينعم القاده العرب بعارهم

ولنتذكر بخشوع وقفه البطل على منصه اعدامه وكأنه هو من يعدم الخونه

ولنتذكر كلاماته الاخيره عاش الشعب عاشت الامه ونحاول ان نرددها بصوت خافت حتى لاتسمعها امريكا

ضعو التراب على رؤوسكم .... ولا تلعنو الزمان

اشربو المر فى كؤوسكم ...... واشكرو كل من خان

رحل البطل وبقى الزل فى نفوسكم ..... وعاش كل جبان

تلززو انتم بعيشكم .... ونم يا صدام فى امان

وكل عام وانتم بخير

تاجر المخدرات ربنا يحميه

السمورة

ربنا يحميه ربنا يبارك فيه ربنا يحرصه ربنا ميحكمهم عليه دى بعض الدعاوى الى سمعتها للمجرم الخطير السمورة تاجر المخدرات حديث مدينه بورسعيد الناس بتدعيله وحاسس ان خلاص الشباب هيشيل صور عمرودياب ويحط صورة

وافراد عصابته كتير ومسلحين كلهم ومعاهم موتوسيكلات

وبيدفعو عنه بستماته غريبه

واصبح اسطورة

والله دى نصيبه كبيره

الناس بتحميه وبتخبيه من الشرطه

لانهم لقوة احن من الحكومه عليهم

بيصرف على الفقراء فى منطقته

ومبيئزيش الغلابه

شوفتو الحكومه وصلتنا لايه

تاجر مخدرات احن من الحكومه على الشعب

تحديث

وتم القبض على السمورة منذ فتره

وتم توزيع كليبات تعزيبه من قبل الامن

ومن غباء الامن انه مفكر ان الناس هتنسى السمورة

لما تشوفه بيتهان كده وطبعا حصل العكس الناس اتعطفت معاه اكتر واكتر

انتم ايه رايكم عشان مجرم يتعذب كده ؟

والله التعذيب هيطلع مليون سمورة

وهحاول اجيب الكليبات

حسبنا الله ونعم الوكيل

صليت فى الاقصى

دى صورة المسجد الاقصى فى ليله القدر

رزقنى الله ركعتين فى المسجد الاقصى يوم 27 رمضان

وبسبورى متوسخش بالتاشيره الصهيونيه القذرة

ولا زى احمد ماهر بحراسه صهيونيه

احمد ربنا واشكر فضله رزقنى الله صديق من عرب 48 من الحركه الاسلاميه داخل الاراضى المحتله

رفض ان اذكر اسمه كان قد وعدنى ان عند دخوله المسجد الاقصى سيصلى لى ركعتين ولابى وامى ركعتين

ومر على هذا الكلام شهور فى كل مره لايعرف ان يدخل الاقصى يمنعه الكلاب الصهاينه

وكنت قد فقدت الامل

ولكنه منذ ايام اخبرنى انه ادى لى ركعتين فى الاقصى يوم 27 رمضان

والله متعرفوش انا فرحت اد ايه وبكيت اد ايه

الهم ارزقنى دخول القدس مجاهد فى سبيلك

صاعد على سلالم قبه الصخره مكبراا

ثم اصلى ركعتين وسلاحى امامى

وبعدها استشهد

امين يارب العالمين

تخارف مجذوب على قهوة

كوبايه شاى وسيجاره

كوبايه شاى وسيجاره

تخاريف مجذوب على قهوة

السودانيين صنعو طياره

واقتصادنا هوالاقوى

والشعب المصرى اتهنا

مش عايز معونات من حد

العراق رجعت جنه

امريكا وقعت ع الارض

وسحبنا سفرنا خلاص

م القدس المحتله

وقلنا لكل الناس

اساس العدل القوة

وجمال بالله اهو حالف

فى بلدنا ليعمل نووى

والجيش المصرى اهو زاحف

ع القدس الصبح بدرى

لن يستطيعو ان يمنعو الحلم ولن يستطيعو هم تحقيقه لانهم اجبن من ذلك

ونحن بأذن الله تعالى سنحققه ولو قالو عنا مجاذيب

سنثبت ان الجنون هو لب العقل

ول يعيشو هم بعقولهم

ونتمتع نحن

بالجنون

عمرك انضربت من الشرطه

جربت الضرب الميرى ؟؟؟



لو لا يبقى منضربتش



انا بقى هحكيلكم حكايه حصلت لى انا واصحابى وانضربنا ضرب ميرى

كنا ركبين عربيه موديل (كنا بنزقها اكتر ما بنركبها )83 هندا تمام ومعديين بجوار قسم بورفؤاد و 3 امناء شرطه اعدين بجوار القسم ولبسين ملكى واول ما قربنا منهم راحو قيلين شباب فرافير اهم بصوت عالى وضحكو الكلمه وجعتنا كلنا معرفش ليه بس المهم كلنا فى نفس واحد ارجعلهم ... ورجعنا نزل صديق ليا وراح عليهم وقلهم انتم بتقولو علينا فرافير قالو لا .. وخدين بالكم قالو لا ..بس صحبى مسكتش قلهم مكنش حد معدى غيرنا

يباى يا اخى ماخلاص ... المهم راحو مزعقين راح جاى واحد امين شرطه لابس ميرى وراح بيدخلنا فى العربيه غصب عننا وحدث الاشتباك راح واحد صحبى زقه ... وهنا كانت المعجزة كل افراد قسم بورفؤاد خرجو من الوكر وهاتك ياضرب اول مره احس انى بنضرب ضرب مختلف المهم انت لو تشوفنى اصعب عليك تشتمنى ( قصير ورفيع وكده يعنى ) ودول مفيش انسانيه وصحبك مبيسكوتش بردو ( لسان ايه عايز قطعه ) هما يضربو وانا اشتم



المهم وانا بنضرب لقيت واحد امين شرطه ماسك واحد صحبى والظاهر عنده اوامر يحفر حفره فى ضهر صحبى اخدتنى الشهامه وفلت من الى بيضربنى وروحت على الى بيحفر حفره فى ضهر صحبى ( بطوبه ) هو الى ماسك طوبه مش انا المهم اتعلقت فى رقابته وكنت متخيل انه من الطبيعى هيقع عادى يعنى هينقلب على ظهره ... محصلش الكلام ده وفضلت متعلق لحد ما واحد صحبه امين شرطه راح جاى بعصايه وراح منزلنى من على ضهره زى افلام الكارتون اتلزقت فى العصايه وراح نطرنى



وواحد صحبى راح يتحمى داخل القسم ههههههههههههههههههههه مات ضرب جوة القسم بقى الضرب بره وجوة

ومن يومها بحب كلمه فرافير فيها ايه يعنى لما حد يقولك يا فرفور

المهم عملنلهم محضر وعملولنا محضر

ولقينا نفسنا هنروح فى داهيه

اتنزلنا

الى سوزان مبارك الى مش امى

الى السيده الفاضله سوزان مبارك ام اى حد بس مش امى

جميل قوى موضوع القراءه للجميع بس هى ايه نوع القراءه هو ده الى نختلف عليه

يعنى حضرتك وكل رموز الفكره دى بينقو لينا الى نقراءه وايه الى منقرهوش

وايه الى يعتبر ثقافه وايه الى ميعتبرش ثقافه يعنى مثلا هموت على بعض الكتب ومش عارف اجيبها ادخل مكتبه الاسره القى كتب تجيب تخلف عقلى وكلام ميستهلش ثمن الطباعه

وبشكرك طبعا لانك السبب الرئيسى فى دخولى مدرسه فنيه بدلا من الثانويه العامه

كنت بجيب قصص ادب العلمى للناشئين واحطها فى وسط الكتاب وقال ايه الواد بيذاكر وطبعا كان سعرها رمزى وتشكرى على كده

فعلا اسعار الكتب رخيصه وكلامها ارخص بغض النظر عن القصص المترجمه

بس بردو مش معقول كل ما اجيب كتاب افتح اول صفحه الاقى موجود صورة حضرتك وكلمتين عن حضرتك واكن احنا يعنى بنتقل على حضرتك وحضرتك دفعه لينا وعمله معانا واجب وبتتكرمى و بتتعطفى وبتسمحلنا نقراء

وال ايه يعنى احنا مش عرفين الفلوس دى جيه منين حضرتك بتلفى على دول العالم تشحتى علينا

يا ام جمال حرام عليكى نفسى القى كتاب للمعارضه فى مكتبه الاسره نفسى القى كتاب حتى لو شاعر معارض

ارحمينا بقى

وال ايه مارثون لسيدات مصر يا هانم احنا امهتنا بتمشى بالعفيه والرجاله بس هما الى بيجرو على اكل عيشهم

والف مبروك على عمليه التجميل الاخيره

فى كده فى الدنيا

يوميتى 10 جنيه

نزلت السوق اتبضع

صراحه انا قلبى اتوجع

رغيف الفينو بريال

والجبنه ب6 جنيه

اجبها يمين وشمال

هى العشره جنيه

ده فطار العيال

امال هنتغدى بايه

قولت اجيب مكرونه

الكيس اهو بجنيه

وصلصله ولحمه مفرومه

بردو العشره جنيه

قولت خلاص

فى العشا توفيره

فول بيض طعميه وايه

اه كمان عيش بجنيه

راحت خمسه جنيه

صرخت وبصوت عالى

يا اخونا الضغط اهو جالى

ملعون كل الى فى بالى

دى يوميتى 10 جنيه

بحاول اكملها وعايز رايكم فيها

ومش عايز مجاملات فهمين ولا لا

محاولات مع الفساد وشكوه الى رب العباد

محاولات مع الفساد..... وشكوه الى رب العباد

شوفو بقى انا هكتب تجارب ومحاولات مع الفساد والفاسدين وبشكى لرب العالمين يرحمنا منهم اجمعين

المحاوله الاولى

كنت بخلص ايجراءات ترخيص محل بعد ما دوخت السبع دوخات قالولى لازم تاخد دورة اطفاء سريع من المطافى وروحت اسأل فى المطافى عن الاجراءات ولقيت الموضوع متعب قوى اسبوع كل يوم من الساعه 8 الصبح لحد الساعه واحده الضهر شريكى قالى ياعم كبر دماغك هى 10 جنيه للصول هيظبط كل حاجة ويديك الشهاده قولتلو لاااا استحاله ضد الظلم يرشى قالى اتنيل على عين اهلك قولتلو انا هروح الدورة وايه يعنى بدل قانون وحاجة مفيده ( طبعا بتريقه وسخريه راح شاتم مفيده ) وروحت الساعه 8 الصبح وكتبت اسمى وبداءت الكارثه اقصد الدورة ولقيت الصول الطيب قوى بينده اسمى وبيقولى شيل الخرطوم وااعمل كده وكده يا جدعان والله الخرطوم دة عايز عشره يشيلوة قولتلو يا فندم انا جاى اتضرب على طفايه حريق عشان المحل قالى الدورة لازم تتاخد كامله ( روحت انا شاتم كامله ) المهم

نفضت لحضره الصول وقلت ياواد خليك واقف مع الناس وخلاص لقيت الموضوع بجد وبيقولو هاتو السلم وبكره فى تدريب على الحاريقه الكامله ( اشتمو معايا كامله والنبى )روحت رافع الرايه البيضه وروحت الساعه 11 وحلفت لا يمكن اروح تانى وصحبى دفع 10 جنيه تانى يوم واخدت شهاده تثبت انى مدرب على اطفاء الحريق لمده اسبوع وواد مفيش منى اطفائى عشره على عشره

وسلملى على المطافى وفشلت المحاوله الاولى

المحاوله الثانيه

روحنا الشهر العقارى نوثق عقد ايجار ملقيناش الموظف المختص الساعه 10 والموظف مش موجود طب فين رئيسه دلونى لقييت اسمه جمال عبد الناصر قولت الله اكبر ولله الحمد النصر لمصر وقولتلو قالى والله ( بحزم كده وبجديه )قالى عشر دقايق لو مجاش تعالى قولى شكرته جداا وخرجت وعدت العشر دقايق ثم النصف ساعه ( وانا قال ايه صابر عشان ميضرش فى اكل عيشه هاؤ ) وفاض الكيل بيا روحت للمدير تانى قالى يافندم تلقيه بيفطر فى القهوة الى تحت دى وشاورلى على القهوة واكنها تابعه للشهر العقارى ودانى وش خشب روحت محروج ومتنيل على عينى وخارج وجه الموظف واعد وانجعص والناس بشر عليه ولا اكنه بيبيع فراخ مدعمه ( الفراخ المدعمه دى الى ملهاش طعم اكيد عارفها ) وقال عايز الناس تفتح دمغها زى الاستاذ ده كدة ( الاستاذ دة ادالو 20 جنيه ) قولت لصحبى انا هروح اقول للمدير انه بيرتشى قالى تلاقى المدير هو كمان بيرتشى متعملش فيها مصلح اجتماعى واتنيل على عينك هيحرجك تانى

وسلملى على الشهر العقارى وفشلت المحاوله الثانيه

المحاوله الثالثه

روحت اعمل فيش فى قسم بورفؤاد الى انا تابع ليه وكل اصحابى قبل ما اروح قالولى الراجل ده بيرتشى بياخد 3 جنيه من كل واحد المهم روحت وانا حالف بى ابو امى انى ما هدفع رشوة ودخلت وخلصت المهم فى مصاريف فيش 3 جنيه قالى دى فلوس الحكومه فين فلوسى انا

بينى وبنكم انا خايف ودة قسم مش لعبه وفى مخبرين وامناء شرطه وقفين معاه والدنيه شيطه قولت يا واد يا ضد الظلم اوعى تخاف جمد قلبك قولتلو وبسوط مخنوق وبحاول اتكلم فى حزم قاطع اتقى الله اصتبح ع الصبح احنا فى رمضان والواحد صايم وسبتو ورحت خالع

اصحابى قالولى يا حبيب ماما هيعطلك الفيش وهيدوخك قولت يا ريتنى ما عملت راجل ورحت فى معادى على القسم وانا حاطط فى دماغى ان لو ملقيتش الفيش بتاعى جاهز هطلع للمأمور واعمل فيها واد فدائى المهم روحت وقولت بصوت مبحوح فين الفيش بتاعى قلى عندك هنا دور عليه لقيته وفرحت قوى وكنت هضحك على منظر الراجل وهو مركب لى الوش الخشب

وسلملى على القسم ونجحت المحاوله الثالثه

الحمد لله الف مبروك يا ام فروق

الله يبارك فيكى يام كوثر

لولولولىىىىىىىى

عدد من الشكر لوزارة الصحه

يا حسن يا حسين انا تعبان من يوم الاثنين

هبوط وانخفاض فى الضغط وعدم تركيز وصداع والدكتور كتبلى فواتح شهيه ومهضم وفيتمينات

انخفاض فى سعر الجنيه المصرى امام الجنيه السودانى ادى الى انخفاض ضغط دمى

شكرااا لدكتورة الاستقبال فى المستشفى العام الى كتبتلى محلول ملحى مضاف عليه حقنتين معرفش ايه

شكرااا للممرضه الى علقتلى المحلول الملحى وقلتلى مدد على السرير القذر وجابت بتاع كده علقت عليه المحلول اقذر من السرير

وشكرااا لنموس وزارة الصحه الى فضل مسلينى طول فتره تعليق المحلول وكان مثالى فىاختيارمكان القرص باحتراف

وشكرااا لقطط وزارة الصحه الى فضلت تتخانق مع بعضها وتصدر اصوات العواء الى اول ما بنسمعها نقول فى حد هيموت النهارده

وشكرااا لصحبى الى فضل يهش النموس من عليا ويزعق للقطط وموتنى من الضحك

وشكرااا لكل الناس الى معاها موبيلات حديثه داخل المستشفى ومشغله اغانى ومثليانى

وشكرااا للتمرجى الى شتم الممرضه وقالها يا بنت ستين كلب وكان عملى جو هادى

وشكرااا للممرضه الى شالت المحلول بعد ما خلص بعنف

شكراا قوى يا وزارة الصحه انا كلفتك كتير مره كلب عضنى واخدت 6 حقن مجانا على كام شهر

وكمان ضغطى وطى وكلفتكم محلول ملحى مضاف اليه حقنتين معرفش ايه

المهم انا شايف ان دكتور امتياز لوحده فى الاستقبال حرام وغلط وميصحش ولا ايه رايكم

وادعولى يا جماعه ان ربنا يشفينى

يا صلاه الزين

يا صلاة الزين يا صلاة الزين
عبارة و قطرين يا صلاة الزين

يا وزير النقل يا اوستطنا سوق بينا وقول ريحين على فين

يا صلاة الزين يا صلاة الزين

على وزيرنا يا صلاة الزين

بما انى انا سايق بيكم وواجبى اوصل معليكم لموته تليق بالمصريين
تحبو تموتو فى عبارة الغريق شهيد والله خسارة مذكورة فى الدين
او قطر ذى الطيارة يتكعبل فى عقب سيجارة وهى موته كلها اثارة طبعا رضيين

يا صلاة الزين يا صلاة الزين

على وزيرنا ياصلاة الزين

منصور ركبنا الهوا وقلبنا و متسئلش ريحين على فين
انا شايف لو محدش عجبو يتمشى او يركب عجلو محناش نقصيين

يا صلاة الزين يا صلاة الزين

على جهنم كلكم ريحين

مش هسافر مش هسيب

مش هسافر مش هسيب
وفى البلاد اصبح غريب
بعدى عنك والله عيب

مش هسافر مش هسيب

ناصرى اخوانى شيوعى
حبك انت بين ضلوعى
ولو حتى اموت بجوعى

مش هسافر مش هسيب

ولو الكل سابك وسافر
وللموت سبونى هعافر
اموت شهيد ولا موتش كافر

مش هسافر مش هسيب

دة ترابك ليا قوتى
يضمنى وقت موتى
متفكريش بايدى سكوتى

مش هسافر مش هسيب

القيود منعانى يا اما
وقلبى متلهف لضمه
ولوفضلت حياتى ضلما

مش هسافر مش هسيب

متشتمووووووش

متشتمووووووش

بجد والله متشتموش

شكله بيديقك وبينرفزك عارف بس متشتموش

ياعم امسك لسانك بس هقولك حاجة انا كمان اول ما بشوف وشه السمح دة بروح شتمه على طوول بينرفزنى وبيغظنى ذيك بالظبط بس لو انت بتحبه اشتمه لانك كل ما هتشتمه هياخد حسنات وهيقتص منك يوم القيامه ودى نصيبه ياباشا 70 مليون نسمه بيشتموة كل يوم وباقى الامه العربيه بتشتمه يعنى لو قلنا هو ضامن 70 مليون حسنه فى اليوم يبقى هتشوفه كمان فى الجنه وهى مش نقصه

انت عارف الحجاج ابن يوسف كان ظالم اد ايه (مره كان بيغرق وواحد من الشعب شافه بيغرق قام انقذه بعد كدة الناس فضلت تقولو انقذته ليه ياعم انت وبتاع قلهم انا سمعت عن رسول الله انه يقول من مات غريق مات شهيداا فخفت ان يموت شهيداا )

انت مش خايف يدخل الجنه ولا ايه

يلا تعالى نجرب منشتموش انا هحط حبت صور ونحاول سوا

شيفين بيتكلم فى التليفون اذاى ولا بيضحك اذاى دة بيكبر كمان حج يلاهوىى مش قادر مش قادر امسك لسانى

هتقدر انت معلش حاول

هل انت فاسد ؟؟؟

هل انت فاسد ؟؟؟
نعم انت فاسد اه والله فاسد
انت مستغرب ليه؟؟ متزعلش قوى كدة
وانا كمان فاسد وكلنا نشارك فى مؤسسه الفساد بختلاف انواع الفساد ( انا مءولتش انك احمد عز مثلا ) بس انت وانا فاسدين على قدنا وحسب وضعنا الاجتماعى والوظيفى نفسد بمقدار هذا الوضع هقولك اذاى
استعمال الوساطه والمحسوبيه_1
عايز اطلع رخصه ياعمو عايز اشتغل والنبى يا اونكل عايز اتنقل من الشغل يا خالو عايز اتنيل على عينى يا عمتو وكل دة مش من حقك
الرشاوى _2
يعم اديلو وهيخلصك على طوول هما بتوع الشهر العقارى كدة ياعم متحبكهاش انا هظبطك بس خلصلى رخصه المحل ياعم مخالفه ايه خد بس وشيل المخالفه ياباشا طبق ايدك فى خمسه جنيه ولا جوة البطاقه وهيخلصلك الى ميخلصش وكتير كدة والامثال انتم عرفنها
الغش فى الامتحانات _3
السؤال دة وخلاص ياعم عيزين ننجح هطلع البرشامه دى وخلص حط الاستيكر دة على البنش ربنا يخدك انت والمراقب الى سيبك تعمل

كدة
وكتير كتير من انواع الفساد بس حبيت اقول ان احنا لازم ناخد بالنا ومننجرش ورا فساد انفسنا عشان لما نتدرج فى الوضع الاجتماعى والوظيفى هنعمل ماهو اكثر من ذلك لان دلوقت احنا بننظر للى بنعمله ونقول دى حاجة بسيطه وكل ما هندرج فى الموضوع لحد منوصل لاكل مال الشعب وهنقول دى حاجة بسيطه

يبقى انت فاسد ولا لا

اه منك يا حب

اه منك يا حب

كم ظلمت ؟

وظلمت

بيدك ام بيدنا

بداءت وانتهيت ؟

قدرا مشى بنا

ام امرت وتحكمت ؟

قلوب تحيا بالحب

وقلوب امت

قول لى

تغيرنا

ام تغيرت ؟

اعاقل انت ام جننت ؟

نحب ونهوى

وفجأه نكره

ونبحث عنك اختفيت

مش هنا

مش هنا

الكلام دة مش عندنا

اياك تفكر يوم تمسك امرنا

انت مش واحد مننا

افهم بقى وابعد عننا

الرخامه دى مش طبعنا

مش الى ذيك يحكم مصرنا

عيزين حد يحس بهمنا

انت فى قصر ساكن ومتربى ع الهنا

مش زينا دوقنا الضنا

ومن عرقنا متعرف سننا

نفرح نحزن يبان على وشنا

يارب هو كل حاجة فيها حسنى وحشه كدة

يارب هو كل حاجة فيها حسنى وحشه كدة

الواد الى اسمه تامر حسنى دة غيظنى قوى عامل فيها بورم وودا مفيش منه حتى فى اغانيه بارد ( هو ليه اغانى حلوة وانا سعات بسمع له ) بس مش ديما عشان الحموضه ويسلام على الشريط الجديد بتاع الواد الفت تامر زفت شريط غريب وقاحه الكلامات الى فى الاغانى حاجة ايه تقرف فى اغنيه اسمها ( اعتزرى للى هيجى بعدى ) انا اخاف اغنيها قدام ابويا ولما بشغلها فى الكسيت بوطى على قدى احسن حد يسمعنى انا هكتب كلمات الاغنيه مش حب فيها بس عشان الى معرفش يعرف ( اعتزرى للى هيجى بعد ى خليه يسمحنى اصل انا اخد كل حاجة فى عهدى وشوفى عهدى كان كام سنه ) اموت واعرف اخد كل حاجة ذى ايه انا مش فاهم فهمونى الواد دة هيشلنى

شيفين الى انا شيفه

قمه الوقاحه والسفاله الواد دة هيجننى والبت دى مش قرفانه

وكمان عامل اغنيه بيتكلم فيها بصوته اسمها ( صوتك متغير ليه فى حد جمبك ولا ايه خلاص فهمت وهقفل بس قبل ما اقفل سلميلى عليه) اموت واعرف عرف منين ان جمبها واحد مش يمكن اخوها ابوها امها اى حد يعنى

ولا لازم الظن ان بعض الظن اسم يا اخى ربنا يخدك

ايه الى دخلها معاه العربيه

سؤال يطرح نفسه بين الشباب دخلت البت دى اذاى العربيه ملهاش اهل

يشوفو بنتهم مع البنى ادم دة الى هربان من التجنيد

والمشكله ان شباب مصر محسسنى انه بطل قومى

ضاعت القيم والاخلاق

سادت التفاهه والنفاق

لتامر حسنى عشاق

ولك الله يا مصر

حاول سماع الصمت

اسمعنى
اتسمعنى حاول ان تسمعنىفانا لا اتكلم واريدك ان تسمعنى
لا تقل كيف
استنشق النسيم بانفك ستذوب الكلامات فى فمك وستسمعنى
لا تقل كيف
حاول سماع الصمت فانا لست قادر على الكلام سيوصلك الصمتالى او الى الاوهام
لا تقل كيف
انت كنت تسمعنى بغير كلام اصرخ فى نفسى فتداوينى من الالام
لا تقل كيف
اتذكر حين كنا معا كنت اعشق الكلام اما الان فيطربنى الصمت
لا تقل كيف
حاول ان تستذكر ما فات حاول ان تعيد لى الكلامات افرغت فى اذنككل ما سمعت وقراءت وتعلمت من كلمات
فاغلقت عليهم اذنك ورحلت وتركت لى السكات
اتعرف لماذا لا تسمعنى ؟
فانت فى يد شخص اخر تسمعه كلامى فيطرب ويسمعك كلامه فتطرب
وانا فى يد الزمان يسمعنى رغم عنى ما لا اريدة من كلمات وانا اسمعه الاهات والانات
واتمنى رجوعك بالكلمات

الموت والحياه

تعريف عن الموت والحياه

الموت بيقطف بيخطف من الايام

بيلم الصالح والطالح والكل عوام

لابيفرق طولك ولا سنك ولا وذنك كام

؟؟؟؟؟

لا يقولك امتى هيجيلك ولا يدق الباب

وفى ساعه غدر يكون عندك ومن غير اسباب

خد منى نصيحه ومتعملش للدنيا حساب

؟؟؟؟؟؟؟؟

دة الكل سيبها ومروح من غير ميقول

ودموع العين من احبابه تنزل على طوول

وهو يوم والتانى وهينسى ويصبح مشغول

؟؟؟؟؟؟؟؟؟؟

الدنيا مشاغل وتلاهى ودة طبع الناس

وسعات الموت بيريح ناس من ناس

ويخلى الظالم فى نهايته تراب ينداس

؟؟؟؟؟؟؟؟؟؟؟؟؟

الدنيا دى قصه وحدوته ومسيرها زوال

اكتبها بحرفه وبروزها عشان تتقال

عايز فلوس ؟؟ عايز عربيه ؟؟ عايز شقه ؟؟ عايز تنجح ؟؟

عايز فلوس ؟؟ عايز عربيه ؟؟ عايز شقه ؟؟ عايز تنجح ؟؟

لو قلتلك كلمنى على الرقم دة وهديلك كل الى انت محتاجه فى الدنيا ورحت كتبلك رقم موبايل ولا اقولك روحت كاتب رقم داخلى عشان مكلفكش كتير هتعمل ايه ؟؟
هتقول لما اجرب ومش هخسر كتير صح ولا ايه طيب شوف بقى يا سيدى متتصلش بارقام المسابقات الى بتيجى على الفضئيات ولا على القنوات المحليه ولا تعمل حاجة من العبط دة كله

عندى ليك مفاجاه



مش هتكلفك كتير ولا هتدفع فواتير ولا رصيدك يطير
فضى نفسك ولو دقايق معدودة انا عارف حضرتك مشغول اد ايه بس حاول
ويسلام تكون بليل كدة والناس نيمه
وخش الحمام ايوة الحمام واتوضى وصلى ركعتين وادعى ربنا ادعى بجد خليك متحمس ولح على الدعاء
اكنك فى مسابقه بالظبط واطلب الى انت عايزة من ربك وشوف هتحس بايه بعد الدعاء ( صفاء نفس غريب ) وخلى الثقه فى قلبك وعقلك ان ربنا هيستجيب ليك بس مش دعاء واحد وخلاص دة انت لو فى مسابه هيطلعو عينك واضغط رقم واحد لو عايز العربيه وحاول الاجابه على الاسئله التاليه وحاول معرفه كلمه السر ومش هتعرف وهتموت نفسك عشان تكسب وهما الى فى الاخر الى بيكسبو من حضرتك
لا ادعى ربك واطلب وخليك طماع اطلب اى حاجة وكل حاجة وحاول كل يوم لحد ما ربنا يستجيب الموضوع مش صعب حاول اكتر من مرة ولو عشر دقائق فى اليوم وانت الكسبان

وكلمنى على المدونه

صياد كلام

قاعد فى حالى صياد قرارى

معايا كرسى وورقى قبالى

سنارتى قلمى وطعمى حبرى

صابر وصبرى هيهد حالى

وقلمى سايبه فى موج خيالى

وفجأة يغمز ويروح كاتب لى

ع السطر كلمة تمنها غالى

هدون واكون مدون

انا حبيت ادخل معاكم ويكون ليا مكان وياكم ندون ونفنن

نكون ضد الظلم ونلون خطانا وخطاكم

وربنا معانا ومعاكم