الثلاثاء، ٢٤ سبتمبر ٢٠١٣

أمموهم ملعون ابوهم



ذى ما المثل بيقول " اخد الحق صنعه " بس اهم حاجه تفهم الصنعه وتعرف حقك الى راح منك وتحدد مين الى اخده بالظبط من غير ما تظلم ومن غير ما تيجى على حد وكله "بما يرضى الله "
اولا قضايا الفساد لا تسقط بالتقادم  وثانيا احنا اتظلمنا كتير والفساد كان للركب ومازال بس حاليا  بيحاول يوفق اوضاعه 

وقبل ما يوفق اوضاعه وعشان نسامح كلنا لازم نبنى على نضيف والى خد الحق نجيبو منه بسلطه القانون الى الدوله مخوله بتطبيقه " مش تطبقه وتحطه فى الدرج" لا تطبقه بحزم 

يعنى مثلا واحد سرقنى واكل عرقى وبعد كده قالى الى راح راح وتعالى اعرق تانى وهحسبك " بما يرضى الله " . طب بالنسبه للقميص الى عرقت فيه وغسلته وداب ده ملوش تمن عندك 

لا ليه تمن حتى لو الى اخد الحق ده تحايل على القانون وكلنا عرفين انه تحايل على القانون وممكن نقسم على كده كمان بس سياده القاضى ملوش غير الورق والقانون لان ده نص القانون القديم سعادتك( كما يعاقب بالحبس مدة لا تجاوز ثلاثة شهور وبغرامة لا تزيد على خمسمائة جنيه أو بإحدى هاتين العقوبتين من تعمد عن طريق إعطاء بيانات خاطئة عدم الوفاء بمستحقات الهيئة القومية للتأمين الإجتماعى كاملة (مادة (179(2)) من قانون التأمين الإجتماعى رقم 79 لسنة 1975).  ويعاقب بغرامة قدرها مائة قرش كل صاحب عمل فى القطاع الخاص لم يقم بالإشتراك فى الهيئة القومية للتأمين الإجتماعى عن أى من عماله لخاضعين لأحكام قانون التأمين الإجتماعى، 
نعمل ايه احنا بقى نحبسه 3 شهور وغرامه 500 جنيه ولا ناخد منه جنيه على كل عامل اقولك نعمل ايه 

نستحدث قانون جديد وناخد من الظالم ده الى القانون معرفش ياخد منه ولا حق ولا باطل "والحق ابلج والباطل لجلج" 

التأميم هو الحل السليم لكل حرامى مستعار فى هيئه رجل اعمال 

يعنى مثلا فى المصانع وتحايل اصحاب المصانع على الدوله والقانون ...

مثال نص عمال المصنع متأمن عليه والنص تانى لا والعامل لسه جاى يمضى العقد بيمضى معاه استقاله عشان يفصلك من المصنع لما يجى التأمين يزيد ويكتب المرتب  اقل من الواقع عشان يدفع تأمين على الشامل اقل غير بقى تهرب من الضرائب ونسبه العمال فى ارباح المصنع فى السنه الى بيخلع منها صاحب المصنع بالف طريقه وطريقه وغير انه بيكتب درجه العامل الوظيفيه عكس الحقيقه وحجات تانيه كتير 

لو جيت حضرتك تحسب المكسب الحرام الى رجل الاعمال صاحب المصنع اخده فقط من التحايل على القانون هتلاقيه ملايين فوق بعضها ومش هتعرف تاخدها منه بالقانون العادى يبقى لازم نأمم امه عشان نرجع الحق لاصحابه 

تعالى نحسبها مع بعض وبشويش صاحب المصنع المفروض بيدفع 10% تأمين على المرتب الاساسى للعامل يعنى مثلا العامل بياخد 700 جنيه فبيدفع صاحب المصنع 70 جنيه فى الشهر وده مبيحصلش اساسا لانه بيسجل مرتبه اقل من كده بكتير بس احنا هنقول العشره فى الميه 70 جنيه فى 12 شهر يساوى كام يا حلوين يساوى 840 جنيه فى السنه فى 2000 عامل هيساوى 1680000 هنقول المصنع بيتهرب من 10 سنين 16800000 شايف الرقم يا بيه شايف يا استاذ شايفه يا اختى وخدين بالكم يا اخوانا ده مصنع واحد غير طبعا فوايدهم 

يجى افندى محترم يقولك ما هو هيقفل المصنع والعمال هتتشرد اقولك يا سيدى احنا هنقدر السرقه دى وناخدها سيوله من الباشا صاحب المصنع ولو تنح وقالك انا هقفل المصنع هناخد منه المصنع ونحوله لقطاع عام والفلوس السيوله الى عرفنا ناخدها من صاحب المصنع تتحط فى البنك وبفوايدها ندفع مرتبات العمال 

واخد الحق صنعه ودى بقى صنعه الحكومه 







السبت، ٢٢ سبتمبر ٢٠١٢

نقد حوار الرئيس من المواطن التعيس




نقد حوار الرئيس من المواطن التعيس 


اظن حوار ممتع وفظيع وشنيع ومريع وتطلع منه انك يا تتشل او تفقد ما تبقى من اعصابك وادبك و عقلك  وتتسائل وتمشى ذى المجاذيب هو الريس قال ايه قاااال ايه هيعمل ايه طه 

1- بيقولك الامن الان يمنع الجريمه قبل وقوعها 

لو كان ذى مبتقول مكنتش انت بقيت رايس 

2-الدروس الخصوصيه والضغوط انا عارفه وبحسه 

لا احساسك لوحده مش كفايه 

3-حل الازمات واجبه بس بتاخد وقت والعشوائيات 

من الاخر بعد كلامه ربنا يتولاكم

4-الفساد الادارى بداء من اعلى ولكن القاعده بخير

قاعده مين ال بخير اريس سيبك انت اهم حاجه قعده سيادتك 

5-الاحتجاجات التى تعطل الانتاج تقلل الاستجابه للمطالب 

مطرحتش بديل يعنى مهو محدش
بيعبرنا  غير كده

باقى كلام المعلم مرسى الفكهانى 

6-المانجه انتجها زاد قل سعرها فى السوق القمح زاد واحد ونصف 

مليون طن 

ايوه وانت مالك انت يعنى عملت ايه ترتب عليه كده ولا ده ناتج 

دعواتك وصلاوتك وامى مبتعرفش تطبخ مانجه 


هو المذيع ده اخوان حد يعرفلنا بس يا جماعه والنبى 

7-المذيع الكل ملاحظ ان حضرتك تواصل اليل بالنهار متى تستريح ؟

رد الريس وعبد ربك حتى يأتيك اليقين 

صلاه النبى احسن دعواتكم معاه يا رجاله


الريس رومانسى جدااا على فكره 

8-احب كل المصريين واتمنى ان يحبو بعضهم بعضا 

الشوق الشوق الحب الحب احبيبى امورسى 

9-فى رمضان راينا كيف حمل المصريون بعضهم بعضا 

انا محدش حملنى اريس هو حد حملك ولا ايه


فلسطين بقى والريس ال من الاخوان وتأكيده اكتر من مره على ان 

القضيه الفلسطينيه هى قضيه الفلسطينيين انفسهم ونفس كلام 

الخائن المقبور السادات تتكرر على لسان المدعو مرسى ابن 

جماعه الاخوان 

1-لابد ان يحصل الفلسطينيين على حقوقهم الكامله كما نصت 

اتفاقيه السلام 

2-يقيمو دولتهم هم .. نحن لا نتخذ لهم قرار نحن ندعمهم فيما 

يتخذون من قرارات

الثلاثاء، ١١ سبتمبر ٢٠١٢

الثوره فى البحرين




الثوره فى البحرين 


البحرين ثورتها حره بس العبيد قفشين 
 اصل العبيد ولااد جاريه وال سعود ورثين 
جاريه على رزقها فاتحه النقاب مترين
امريكا فى حضنها بس احنا مش شيفين
ودرع الخليج ابنها واللحيه عل الفخدين
 امريكا تصون عرضها وتبيع شرفها لمين
موزه كمان بنتها وحمد غراب البين
 بكرشو يكيد العدا وعلى حجره شيوخ الدين 
سوريا الجهاد اولا وسيبك من فلسطين
فشخو صدورهم قوى وعلى سوريا قال ريحين
نهقو بصوت البغا الشيعه دول كفرين
مرسى كمان عندنا والامريكان رضيين 
ماشى على المسطره اصل العبيد خينين
وجدو فى سوريا وتد وجيش عربى متين
صرفو فلوسهم هباا وفوق رؤوسهم طين
 باعو العراق فى ما مضى كفرو صدام حسين 
مات الشهيد ك الاسد وهما كلاب بدلين


والخاين يفضل خاين والثوره فى البحرين 







الأحد، ٢٤ يونيو ٢٠١٢

التبيان فى كيفيه القضاء على الاخوان



لا يعرف الاخوان ماذا ينتظرهم الان وستسمعون اصواتهم قريبا وهم يقولون لقد وقعنا فى الفخ وسيستعدو للنفخ
بأيديهم وكل ما سيحدث لهم سيكون على مراى ومسمع من الجميع وكله بالقانون كما تم اعطائهم مجلس الشعب بالقانون تم نزعه منهم بالقانون
الم يكن قادر المجلس العسكرى على تغيير النتيجه لصالح شفيق ؟ هل هو لم يفعل لانه مثال للشرف والامانه ولا يريد ان يتدخل فى اختيارات الشعب
هل تحسنون الظن به لسمح الله انا عن نفسى ارى انه اعطاهم مجلس الشعب وتركهم امام الناس ليشهدو على ادائهم الهزلى والكل شاهد فشلهم
وهو الان يعطيهم الرأسه بالديمقراطيه وبحكم القانون

ويدور فى مخيلتى سيناريو اراه شيطانيا
نحن ننتظر حكم المحكمه الدستوريه فى حل جماعه الاخوان المسلمين وسيكون الحكم فى ظل رأيس تابع للجماعه واحد كوادرها
 هل سيقف الرايس امام القانون ليبطل الحكم بحل الجماعه ام انه سيخضع للقانون
ماذا سيفعل الرايس ان تم القبض على مجموعه من الاخوان قبض عليها متلبسه بجلب السلاح من الخارج 
 واتهمو بالاخلال بأمن الوطن والمواطنين هل سيعترض على القانون ويحاول انقاذ رفاقه احراج مش كده 

وارى ان المجلس العسكرى من الممكن ان يتنازل عن الاعلان الدستورى المأربج ( المكمل ) ومن الممكن ان يتفاوض لعوده مجلس الشعب لكنه لن يقبل ابدااا ان يترك حقيبه وزاره الداخليه والدفاع 
وارى ان المخابرات لن تخضع لحكم مرسى بأى حال من الاحوال وستعمل ضده وستوقع بالاخوان فى خلال مده وجيزه 
وهذا من مشاهدتى لسير الثوره الذى شعرت انه مرسوم بدقه من المخابرات 

ومبروك يا مرسى 

الاثنين، ١٨ يونيو ٢٠١٢

سياده الرئيس القادم طظ



سياده الرئيس القادم طظ ف عظمتك وف قداستك وف فضيلتك وال جابك وال حطك وال سحبك وف جماعتك وف فلولك وف غلستك وف ثقفتك وف خلقه جنابك وف طله رخامتك وف ال هيحلى صورتك وال هيمسح ريلتك وف قرارك وف نزهتك وف فسادك انت شرعى وانا ابطلتك ابطلت صوتى وهعيش واعرضك

السبت، ٤ فبراير ٢٠١٢

تحياتى سوريا قلب العروبه



عندما رايت قطر والسعوديه وامريكاو الكيان الصهيونى والمجتمع الغربى فى صف. فمن الطبيعى والبديهى ان اكون فى الصف المقابل انا معك بشار سيفى سيفك وعدوى عدوك

ولى سؤال للقارىء العزيز هل اجتمعت هذه الدول لمصلحه اى شعب عربى ؟ ....
وبسم الله نبداء

لماذا وقفت روسيا والصين الان بالفيتو مع سوريا؟؟ ومن قبل تخلت عن ليبيا ما السبب انا اتسائل ولا اجد سببا هل لانها شعرت بالالم على ما جرى فى ليبيا؟؟؟ ام لكى لا تخسر سوق سلاح جيد ؟؟؟ ام لانه حان الوقت ان تظهر وبقوه فى الخريطه السياسيه ك لاعب اساسى بعد فتره قضتها على دكه الاحتياطى ؟على كل هى مشكوره لوقوفها ضد المخطط الغربى العربى الذى يريد ان ينال من سوريا الممانعه والصمود والعروبه وهى الدرع الوحيد الباقى لنا فهى قلب العروبه النابض .
يريدون ان يسقطو اخر قلاع المقاومه يريدون ان يتخلصو من الشرف العربى الباقى . تحياتى ايها الشعب السورى الحر تحياتى بشار
وكل تحياتى وتقديرى الى السيد وليد المعلم فأنه يدير المعركه سياسيا بمهاره رائعه وهدؤ بالغ وهو فى نظرى من احسن السياسيين العرب على مر التاريخ .


الثلاثاء، ١٦ أغسطس ٢٠١١

ما على اللسان فى نقد محمد حسان


الداعيه الاشهر محمد حسان صاحب الجماهيريه المعروفه ونجم شباك القنوات الاسلاميه والبرامج الفضائيه من اغنى الدعاه حقق نجاحا ساحقا فى سوق الكاسيت والان يملك قناه الرحمه

تربطه علاقه وثيقه باصحاب الاموال لا تعلم ايسعى اليهم؟؟؟؟ ام يسعو اليه؟؟؟؟ مثلا هذه الصوره فى جنازه رجل الاعمال مصطفى السلاب عضو الحزب الوطنى ونائب عنه فى مجلس الشعب مزور اصوات مدينه نصر الله يرحمه

الداعيه الفاضل ليه علااقه جامده جدااا وشديده خالص مع رجل الاعمال البورسعيدى صاحب مصانع اللوتس حسام جبر المتعاون مع الكيان الصهيونى بأشتراك مصنعه بتفاقيه الكويز و المساهم الرئيسى فى قناه الرحمه الفضائيه ومقولكش على معاملته للعمال الغلابه اكل حقوقهم ما الشيخ بيدعيله بقى ...

لما فضيلته بيجى بورسعيد يخطب خطبه جمعه ولا حاجه عمك الحج حسام جبر هيعمل ايه؟؟؟ مهو لازم يأعد فى الصفوف الاماميه وبيجى متأخر ايه العمل؟؟ ؟فبيخلى عمال الامن عنده فى المصنع يحجزولو الصف الاول والنفر بياخد ५० جنيه بصلاه ع النبى... بيشترى الصف الاول كله عند الشيخ حتى ثواب الصف الاول بيدفعله فلوس وفيه بهوات وبشوات وبركاتك يا شيخ حسان

وعم الحج الشيخ بيقولك والكلام على لسانه انه عمره ما راح امن الدوله >>بس هو قبل ما بيروح حته بيقولهم اهى هى دى الرجوله المطلوبه ده حتى مره وزير( خد بالك )وزير طلب الشيخ الشيخ قاله استأذن من امن الدوله الاول الوزير قاله انا وزير يا شيخ قاله ان شاله تكون مين استأذن الاول..... والكلام على لسان الشيخ الجليل

غير طبعااا لما الشيخ رد على فتوى الاثار وبعد كده طلع عرض لمؤخذه ...عرض وقال انا لم اقل ذلك مع انه قال عليك بطمسهااااااااااااااااا واثناء الثوره لما قال وفضل يعيط هتروحو عند القصر الجمهورى هتحصل كارثه وفضل يرعب الناس ويطلع مع الاخت هناء السمرى ال بشعرها وهو كان بيئلس على الشيوخ ال بيطلعو مع مزيعات مع ان سيد على كان اعد محللل وهو من الاساس مكنش مع الثوره ك اغلبهم شيوخ الفكر الوهابى وكان بياخد تعليمات وقت الثوره

انا ال هيجننى علقات الشيخ المتشعبه بالفلوس واصحبها وبعض الفاسدين ومش عارف ايه النظريه يعنى.. المفروض رجل الدين ده بيبقى مع الغلابه المقهورين مش مع( المتنزهيين المترفهين المترفين الفاسدين) ده حتى غلط ع الشيخ...انا خايف عليه من الفتنه لما تلقيه مع ابو العنين بتاع السراميك ال كان مهرب فياجرااا فى الحاويه بتعته وهو دلوقت هرب عشان متهم فى معركه الجمل وهو كادر من كوادر الفساد

وتلقيه ضااااارب مشوار لليبيا ويصلى مع القذافى وطبعا يرجعلو ب قرشين حلوين والكارثه ان قناه الرحمه دى مفتوحه باموال مشبوهه تخيل اموال الكويز ايه القصه يا شيخ عرفنا ربنا يكرمك ...وربنا يخليلك فلوسك وقنواتك ويفرج عن اخواتك (اصل اخوه مقبوض عليه فى قضيه نصب)ياشيخ كنت نصحت اخوك الاقربون اولى

واقول قولى هذا واستغفر الله لى ولكم