الوهابيه حاليا فى مصر
اريد ان ابشرك ايها القارىء العزيز ان الفكر الوهابى اصبح يتمتع بخاصيه " الدليفرى " ليكون متاحا اليك وبرعايه حكوميه।
للقضاء على الوحشين اصحاب الاسلام السياسى ال مش عرفين مصلحتك ال بيربطو الدين بوافعك الاليم .. فترى اصحاب الفكر " الوهابى طبعا " يتهموك انت بالفساد وان غلاء الاسعار هو ابتلاء من الله لك انت لبعدك عن الله فلابد ان تعاقب ..وعندما تصرخ وتقول والله مش انا دى هى " الحكومه تقصد " يذيدو السلخ عليك بسبب القرض الربوى ال حضرتك وخدو عشان علاج ابنك المريض بالسرطان ال سببو وزير الزراعه السابق والشقه ال حضرتك هتخدها من مشروع الشباب بقسط ربوى بردو من البنك ( وكل ده حرررام ولا يجوز ) واتقى الله انت يا مواطن السبب اصبر على الابتلاء وقل الهم لا اعتراض وطبعا حضرتك هتقول مهو الراتب مش مكفى والحياه صعبه وهى السبب " بردو تقصد الحكومه " هيتجاهلوك وكانك تتحدث عن شىء هولامى غير موجود
وتشاهد بأم عينك حزب الله يضرب الكيان الصهيونى وتنفعل مع حسن نصر الله وتدعى للمقاومه البطله وتبتهج وفجأه تراهم " اصحاب الفكر الوهابى " يحزروك من الشيعه الكفره وانهم اشد عداء لنا من بنى صهيون وان لهم مصالح مشتركه مع الصهيونيه...وتجدهم يتحدثون من على كراسى غايه فى الراحه ويتمتعون بهواء مكيف والصحه تطل من اعينهم " بركه من الله " ويختلط الامر عليك فأنهم يسيرون تبع التيار الحكومى المناهض للمقاومه
وتجد شباب منتفض ينزل الى الشارع ويهتف ضد الظلم الحكومى من بطاله وعنوسه وفساد فى الصحه والتعليم فتبارك شباب مصر وتقول لنفسك لسه البلد بخير طول ما فيها شباب شايف الظلم وعارف مصدره تجدهم " اصحاب الفكر الوهابى " يتهمونه بالسفه وانهم داعيين للفوضى وربنا يجنبنا ما يترتب على الفوضى
وتجد نفسك غلطان والغلط ركبك من ساسك لراسك ولا هتطول دنيا ولا اخره ولا يجوز انتقادهم ذى " الحكومه طبعا " فيقولو" لحم العلماء مسمم" ليبعدو عن انفسهم اى انتقاد وينعتون الديمقراطيه بالفاجره " ال طول عمرك بتتمناها " فتقول لنفسك اكيد شفوها ماشيه مع الامريكان فقالو كده
اخى المواطن اختى المواطنه فكوكو منهم دول بوق اطلقه الحكام لتنييم الراى العام وخلى الناس تصوم وتصلى وتجتهد فى العبادات لرب العباد وسيبك بقى من الحكم والحكام ونام نام نام
اه قبل ما تنام نسيت اقولك انهم دلوقت اسمهم السلفيون او السلفيين وبنصحك بردو تقراء مقال دكتور علاء الاسوانى عنهم بعنوان ماذا اضاف الوهابيون الى مصر ؟
