الموت والحياه
تعريف عن الموت والحياه
الموت بيقطف بيخطف من الايام
بيلم الصالح والطالح والكل عوام
لابيفرق طولك ولا سنك ولا وذنك كام
؟؟؟؟؟
لا يقولك امتى هيجيلك ولا يدق الباب
وفى ساعه غدر يكون عندك ومن غير اسباب
خد منى نصيحه ومتعملش للدنيا حساب
؟؟؟؟؟؟؟؟
دة الكل سيبها ومروح من غير ميقول
ودموع العين من احبابه تنزل على طوول
وهو يوم والتانى وهينسى ويصبح مشغول
؟؟؟؟؟؟؟؟؟؟
الدنيا مشاغل وتلاهى ودة طبع الناس
وسعات الموت بيريح ناس من ناس
ويخلى الظالم فى نهايته تراب ينداس
؟؟؟؟؟؟؟؟؟؟؟؟؟
الدنيا دى قصه وحدوته ومسيرها زوال
اكتبها بحرفه وبروزها عشان تتقال
هناك ٦ تعليقات:
طول عمرك باشا وكلامك من جوة ولو ان انت دماغك مفسيه بس والله باشا وكلامك بيشد بجد والى الامام يا صحبي
كلامك جميل جدا
بس لازم نعمل للدنيا حساب ما ينفعش ما نعملش ولا ايه
طيب متشكر على مرورك الكريم
وبعدين نعمل للدنيا حساب باى معنى هو دة الاختلاف فى ناس بتعمل لدنيا حساب على حساب اخرتها وبتهمل العمل لله كله للدنيا وبس يبقى صح نعمل للدنيا حساب بس حساب يختلف عن الوضع الحالى بمعنى ان احنا مش مخلدين فيها
أنا قصدى نعمل حساب للدنيا بمعنى أننا ما ننساش أخرتنا ونعمل ليها وفى نفس الوقت نعيش حياتنا ونشتغل ونبقى صح
مش نعيش الدنيا بمعنى أننا ما نذاكرش ولا نشتغل ونعمل كل الحاجات الغريبة اللى بنشوفها اليومين دول
لازم نعيش حياتنا ونعمل فيها لأخرتنا وماننساش أننا ممكن ننتهى فى لحظة
هو دة الكلام الله ينور عليك
متشنكرين ياعم دوشه على الكلام الجامد دة والى الامام فين ياعم الطريق مقفول وانت اكتر واحد عارف كدة ولا ايه
إرسال تعليق