هل انت فاسد ؟؟؟
هل انت فاسد ؟؟؟
نعم انت فاسد اه والله فاسد
انت مستغرب ليه؟؟ متزعلش قوى كدة
وانا كمان فاسد وكلنا نشارك فى مؤسسه الفساد بختلاف انواع الفساد ( انا مءولتش انك احمد عز مثلا ) بس انت وانا فاسدين على قدنا وحسب وضعنا الاجتماعى والوظيفى نفسد بمقدار هذا الوضع هقولك اذاى
استعمال الوساطه والمحسوبيه_1
عايز اطلع رخصه ياعمو عايز اشتغل والنبى يا اونكل عايز اتنقل من الشغل يا خالو عايز اتنيل على عينى يا عمتو وكل دة مش من حقك
الرشاوى _2
يعم اديلو وهيخلصك على طوول هما بتوع الشهر العقارى كدة ياعم متحبكهاش انا هظبطك بس خلصلى رخصه المحل ياعم مخالفه ايه خد بس وشيل المخالفه ياباشا طبق ايدك فى خمسه جنيه ولا جوة البطاقه وهيخلصلك الى ميخلصش وكتير كدة والامثال انتم عرفنها
الغش فى الامتحانات _3
السؤال دة وخلاص ياعم عيزين ننجح هطلع البرشامه دى وخلص حط الاستيكر دة على البنش ربنا يخدك انت والمراقب الى سيبك تعمل
كدة
وكتير كتير من انواع الفساد بس حبيت اقول ان احنا لازم ناخد بالنا ومننجرش ورا فساد انفسنا عشان لما نتدرج فى الوضع الاجتماعى والوظيفى هنعمل ماهو اكثر من ذلك لان دلوقت احنا بننظر للى بنعمله ونقول دى حاجة بسيطه وكل ما هندرج فى الموضوع لحد منوصل لاكل مال الشعب وهنقول دى حاجة بسيطه
وكتير كتير من انواع الفساد بس حبيت اقول ان احنا لازم ناخد بالنا ومننجرش ورا فساد انفسنا عشان لما نتدرج فى الوضع الاجتماعى والوظيفى هنعمل ماهو اكثر من ذلك لان دلوقت احنا بننظر للى بنعمله ونقول دى حاجة بسيطه وكل ما هندرج فى الموضوع لحد منوصل لاكل مال الشعب وهنقول دى حاجة بسيطه
يبقى انت فاسد ولا لا
هناك ٢٢ تعليقًا:
الواسطة:
بكرهها مهما كنت محتاجالها و على قد ما اقدر ما بستعملهاش
الرشوة:
اللهم ارحمنا من الراشي و المرتشي الذين لعنهم الرسول صلى الله عليه و سلم....و لكن أحيانا لا تستطيع أن تأخذ حقك الذي هو حق أي مواطن مثلك إلا بذلك و هناك من العلماء من قال انها تعتبر إتاوة و أنها ليست حراما على من يدفعها و لكن على من يأخذها فقط ...على العموم هي من أمراض المجتمع الكثيرة
الغش:
أعتبره غباء ...لان هذه الدرجة التى سأحصل عليها سوف أكون على دراية تامة انى لا أستحقها فلماذا أعذب نفسي و احتقرها كلما تذكرت ذلك الامتحان ...أعتقد الرسوب فيه أفضل و أكرم
جزاك الله خيرا على البوست العميق
تحياتى
تدوينة جمييييييلة
بس يا ضد الظلم انا مش بعمل ال3 حاجات دول ايه رأيك بقييييييييييي؟؟؟؟؟؟؟
بس فعلا كلامك صح بنشارك في الفساد احيانا واحنا بننتقده!!!!!!!!!!
الاخ الحلم العربى
فعلا اخى بعض العلماء اجاز الشوة لاخذ حقك ولكن هل حولت البلاغ عن المرتشى اولا ولا بنستسهل الرشوة ونقول الشيوخ اجازوها انا راى ان احنا نحاول بالطرق المشروعه الاول
ومن كلامك واضح تدينك وبارك الله فيك
مصراوى اوى
شرفتنى كتير بالزيارة
وربنا يسبتك على ما انت عليه ونحاول ان نصلح اخطاءنا
فانا اقسم بالله انى احاول بكل طاقتى ولكنى افسد ايضا والله المعين
واقول القمح ليه فاسد وبستغرب واتارى فسادى من جوه
قليل البخت وسط الحر راح يشرب رمال الشط والنوه
لانى باعيش واسيب الملك للمالك واقول الله على النسمه
فقلت يا رب نجينى انا الهالك دا ملك النفس ليه هوه
حقى اهرتل
اما دى هرتله امال الفن يبقى ايه تحياتى وشكراا لزيارتك
تم أفتتاح العدد الأول من مجلة نفسنا
نتمنى منكم زيارتنا
haha33333
ana msh fasdaaaaaaaaa :D
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
طب جرب كدة ماتكونش فاسد؟
لا هتطلع رخصة سواقة ولا هتعرف تخلص ورقة ولا هتعرف تعيش في البلد دي من اساسه
وبالتالي ممكن يكون شعارنا
فاسد فاسد بس اعيش
تحياتي
spellz
كلهم بيقولو كدة فى الاول
a.SAMIR
انا جربت مكنش فاسد كتير قوى بس فشلت ويكفينى شرف المحاوله
وهفضل احاول لحد ما اموت او يموت الفساد
أخى الفاضل
جزاك الله خيراً على هذه التدوينة التى تؤكد الحكمة المأثورة "منكم يول عليكم"، وقوله تعالى "إن الله لا يغير ما بقوم حتى يغيروا ما بأنفسهم".
ولذا أشاركك بأن يسأل كل منا نفسه وهو يقاوم الفساد: ما مدى فساده هو؟
فإن كان صالحاً فسيقترب موعد التغيير؛ وإن كان غير ذلك فليحاول أكثر، وأكثر؛ لأنه بذلك يؤخر ساعة التغيير.
والسلام
ده كده الناس كلا بقت فاسده
احييك على الموضوع الاطثر من ممتاز انت اتكلمت فعلا في الصميم
الحاجات الكبيره بتبدأ بالحاجات الصغيره الي مش بنعتبرها حاجات مهمه واهي مره وبتعدي بس لا مش بتعدي احييك فعلا
وعايزه برده احييك بشده على ردك في موضوع الزعيم جمال عبد الناصر فعلا عجبني ردك جدا
جزاك الله خيرا يا قومي يا عربي يا ناصري
تحياتي :)
متهيالى انا كده على اول طريق الفساد
استاذى العزيز محمد المهندس
لن اخلافك فى الراى واظن انها اقتربت ساعه التغيير
bobos
مش كل الناس فى ناس بتحاول وهننجح انشاء الله
rosa
انا الى بحييك على تشريفك ليا فى مدونتى المتواضعه واضافه مدونتى عندك شرف ليا اعتز به واما الرد على موضوع جمال عبد الناصر فانا اعشق جمال عبد الناصر
semsm
لف وارجع تانى
مواطظ مصرى
انا لما اتكلمت عن الفساد اتكلمت عن فساد مجتمع باكمله متكلمتش عن فساد عنصر بعينه بس خد بالك لما بنتكلم عن قضايا مجتمع مبنحملش حد بعينه المسؤوليه
ولكن النظام بيشيل المسؤوليه الكبرى
وربنا يوفقك ومتكنش من الفاسدين
نعم يا عم الحاج ؟
انا مش بعمل انا الحاجات دى
ومعرفش حد بيعمل الحاجات دى غير يكش بس الواد محمد زميلى ابو سيد بتاع الاشيربات والحاج عاطف صاحب الفرن وعلى بتاع السرجه وام ساميه بتاعة الملابس الحريمى والحاج عامر المقاول وبس
اشكرك على زيارة مدونتى ابقى تابعنى
الواسطة والرشاوى والحاجات دى جزء صغير من مشاكل الشعب مع الحكم سياسية مثلا
وعندك مشاكل اجتماعية - ماديه - نفسيه واحيانا عصبيه وصدقونى الشخص بيكون كويس وبردو فاسد الخ ....
إرسال تعليق