الى سوزان مبارك الى مش امى
جميل قوى موضوع القراءه للجميع بس هى ايه نوع القراءه هو ده الى نختلف عليه
يعنى حضرتك وكل رموز الفكره دى بينقو لينا الى نقراءه وايه الى منقرهوش
وايه الى يعتبر ثقافه وايه الى ميعتبرش ثقافه يعنى مثلا هموت على بعض الكتب ومش عارف اجيبها ادخل مكتبه الاسره القى كتب تجيب تخلف عقلى وكلام ميستهلش ثمن الطباعه
وبشكرك طبعا لانك السبب الرئيسى فى دخولى مدرسه فنيه بدلا من الثانويه العامه
كنت بجيب قصص ادب العلمى للناشئين واحطها فى وسط الكتاب وقال ايه الواد بيذاكر وطبعا كان سعرها رمزى وتشكرى على كده
فعلا اسعار الكتب رخيصه وكلامها ارخص بغض النظر عن القصص المترجمه
بس بردو مش معقول كل ما اجيب كتاب افتح اول صفحه الاقى موجود صورة حضرتك وكلمتين عن حضرتك واكن احنا يعنى بنتقل على حضرتك وحضرتك دفعه لينا وعمله معانا واجب وبتتكرمى و بتتعطفى وبتسمحلنا نقراء
وال ايه يعنى احنا مش عرفين الفلوس دى جيه منين حضرتك بتلفى على دول العالم تشحتى علينا
يا ام جمال حرام عليكى نفسى القى كتاب للمعارضه فى مكتبه الاسره نفسى القى كتاب حتى لو شاعر معارض
ارحمينا بقى
وال ايه مارثون لسيدات مصر يا هانم احنا امهتنا بتمشى بالعفيه والرجاله بس هما الى بيجرو على اكل عيشهم
والف مبروك على عمليه التجميل الاخيره
فى كده فى الدنيا
هناك ١٩ تعليقًا:
أنا ما أقدرش أنكر أنه الميزة الوحيدة فى الحكاية دى الروايات والقصص المترجمه لأنها بتعجبنى جدا
ولكن باقى كلامك صح لأن المفروض يكون فيه تنوع ومش كل الكتب نفس المضمون
دائماً يقلون اقراء
نقرأ !
قبل أن يناقشون في القاءة أو عدمها الأجدى بهم معرفة ماذا نقرأ
ثم في البحرين على سبيل المثال 47% من الشعب من القطاع الخاص أي أن رواتبهم 200 دينار و أقل
و مصر حاضرة الثقافة في الوطن العربي !!
تشعل الجراح
مدونتك جميلة جداً
والله ومش أمي كمان يا صديقي
عايزينا نقرا لعبد الله كمال واقبال بركة وامثالهم
...........................
بس بردو يا ضد الظلم احيانا بتبقي في قصص ادبية مترجمة كويسة دا بعيدا عن مجال السياسة
لكن سياسيا اكيد مش هتلاقي اللي انت عايزه
تحياتي يا غالي
مكتبة الاسرة زي ما انت قلت
روايات مترجمة فقط
بعد كدا بتلاقي كتب المسرح والعته ده واللي بيتباع ال 20 ب 5 جنيه
ويابلاش
وبعدين السنادي في تطور اهو
جايبالك في الاعلان اللي المفروض انه بيضم رموز الثقافة والفكر
الحضري
عماد متعب
تمووووورة بتاع السجن
ياااااااااا بجد احنا ناس وحشة ومبتقدرش النعمة
على فكرة مدونتك رائعة ومن اعجابى بها عملت وصلة لك على مدونتى
الثورة هى طريق الحل
الحسينى ابوضيف
أنا مررت ليك تاج حملة أنترنت بلا حدود ياريت تشوفه وتاخده
ياباشا في كده وفي كده وفي كل حاجة
انت مش مبسوط معانا ولا ايه
:)
محمد سمير
طيب انت زعلان من ايه
از كان مصر كلها ملك جوزها
مستخصر فيها كام مطبعة وكام مشروع
معندكش حق
وبعدين ياسيدى تضايق من صورتها اطمسها
واعمل بالراى القائل _اللى مش عارف جبوه منين_بان الصور حرام
ولو مش عجبك مقدمتها اطمسها هى كمان
ولو عجبتك غير اسمها لاى اسم تانى
ام سحلول مثلا
ولا امي ولا ام حد غير جمي وعلي يا ويكا
ومالها القصص القصيرة وقصص الجيب مفيهاش حاجة طبعا وطبعا امال بركات سي مبارك تحل على عقل الي بيقرا بحيث انو يسدق انو هيا الامل والمستقبل ويتغرز فينا حبها الام الرؤؤؤؤووم باولادها
ربنا يخدها وياخد جوزها ونخلص عشان انا اتخنقت
وسلام
ent man bgd yman wbgd klamk 7elw gdn
htshrfny awy lw zort my new page
belharesya.blogspot.com
I passed to congratulate it with its work and to desire a good August to it in vacation.
bosbos
قوليلهم بقى انتى هتقولىلى انا
رباب احمد
ربنا يخليك يا جميل
مصراوى اوى
حبيبى وصديقى واخى فى الله وحشتنى والله ووحشنى تعليقاتك انا عارف ان فى كتب ادبيه رائعه وترجمات خلاقه لكنها كلها تدعو للبراليه
abeer
اه وبكره هنقراء لتامر بتاع القناه الاولى ده الى يخنق بكره هو كمان يعمل كتب
غير معرف
ربنا يخليك ياباشا بس انا مش عارف اوصل لمدونتك اوصلها اذاى تحياتى
bosbos
تمام يا قمر بس دماغى فيها كالو ومش هعرف اخد التاج ومتشكر جدااااااااااااااا
غمض عنيك
حد يشوفك ومينبسطش وبدل فى كده وفى كده يبقى تمام كده
اخوانى مخربش
ههههههههههه ولو مش عجبنى الكلام اطمسه يبقى انا هجيب كتب منين انشاء الله
:D
والله الموضوع ظريف ف أسلوبه جدا
هو أنا مش ضد سوزان مبارك ولا معاها
يعني مش فارقه
احنا عادة بنتحامل على اللى أذونا
إنما اللى ماعملوش حاجه لا حلوة ولا وحشه فعادي
تبتسم وتدير ظهرك
تحياتي
إرسال تعليق