عزمك على العشا يا حكومه
الى فى الصوره ده عشا ليا انا وواحد صحبى ( صحبى ده متجوز بس مسرب مراته عند حماته عشان يوفر )
مكونات العشا ( ذيتون وكسبه وجبنه بيضا قديمه ولنشون بيف وذبديه وكيسين عيش )
التكلفه 7 جنيه منغير ما نحبس بكوبايه شاى
وصف العشا ( قولت للراجل بجنيه جبنه بيضا عك الورقه جبنا عشان ميحرجنيش وبجنيه لنشون خمس قطع مدورين ورفيعين والزيتون حط حبه حلوين عشان ده مقبلات وفاتح شهيه وهو واهم اننا اكيد هنجوع وهنجيب تانى بس احنا فهمنا بيفكر اذاى ومكلناش الذيتون )
يعنى لو اسره مكونه من عيلين وابوهم وامهم هيتعشو بكام
وقررت لما ربنا يكرمنى ويبقا معايا 7 جنيه تانى هعزم الحومه على العشا عشان يعرفو الخير الى هما معيشنا فيه
حسبى الله ونعم الوكيل
هناك ٩ تعليقات:
ياريت تيجي وتزور الحقيقه المصريه وتشوف احنا وصلنا لايه عمالين كماشه عليا يا باشا لكن ربنا معانا ان شاء الله http://elhakika.blogspot.com/
حسبنا الله ونعم الوكيل
ربنا على الظالم
هم مش حاسين وها يحسوا ازاي وهم اصلا واكلين خير البلد ومستكترين على الشعب قوته
لكل ظالم نهاية
بس امتى الله اعلم
سلام
لا تعليق
لا حول و لا قوة الا بالله
انت جعان ..وبتكلم ناس شبعت من زمان ..ونامت خلاص
طيب قولى ازاى هايسمعوك
مش هاقول غير حسبى الله ونعم الوكيل
واتفق مع كلام ماما اموله بالحرف
والمره الجايه ابقى هات كمان حتتين جبنه رومى على حسابى ياسيدى ..انا هادفع تمنهم بالتقسيط..ولا يهمك..وش بيغمز
طب ليه الاسراف ده لو انا من الحكومه هقولك يامفترى بتاكل عيش فينو مكسل تقف فى الطابور ماله العيش البلدى على الاقل فيه حديدوانت عارف الحديدوفايدته وخصوصا لما يبقى الحديد الاصلى من مسامير وخلافه وبعدين لو بتدخن ممكن تلاقى عقب سيجاره يعنى بنوفرلكم لكن انتم مش مقدرين بالهنا والشفا وعلى فكره انا لازم كل يوم ادخل مدونتك عشان اشوف ناصر منورها وبفرح قوى لما الاقى شباب صغير فى السن كبير فى الفكر لميعش فى عهد ناصر ولاشاف قد ايه كانت هاماتنا عاليه وكرامتنا فوق كل شىء ربنا يحفظك انت والشباب امثالكانتم الامل اعرفك بنفس انا ام روزا وانا ناصريه ونرجع للعشا تانى ولو ممكن تبقى تعزمنا على الغدا بس ياريت من غير اسراف وبعدين ياسيدى اذا ماشبعتش ارجع لسيد درويش وهو هيقولك نصيحه انت واللى زيك قصدى واللى زينا وبالهنا واشفا مره اخرى وليا تعليق عندك بعدين على موضوع القراءه للجميع سلام
ماما اموله
وهو انا هفضل كده لحد مينتهى الظلم لا طبعا لازم نشارك كلنا وننهى الظلم
rosa
بس كده لا تعليق وانا كمان لا تعليق
ماما
ههههههههههههه دى الميزانيه تبوظ خالص حتتين جبنه رومى يلاهوى بس بدل على حسابك نخليهم نص كيلو
نورتينى
ام روزا
الفرن كان قافل يعنى اموت من الجوع يعنى
نورتينى بجد وشرفتينى جدااا بس عيزين لينك مدونتك ولو مفيش لازم يكون ليكى مدونه بجد تقبلى تحياتى
إرسال تعليق