زياره المريض ........ غاااااااااااااااااليه
التذكره ال انت شايفها دى مش تذكره سينما ولا ماتش كوره ولا تذكره لاى شىء ترفيهى بتاتا
لا لا دى تذكره لزياره مريض ايوه حضرتك ذياره مريض بالعنايه المركذه بمستشفى حكومى
مستشفى مبره فوزيه ببورسعيد ال كان اسمها مبره محمد على وكلمه مبره جايه من البر والمأوى
وطورتها الاميره فوزيه وسميت على اسمها كتر خيرها
حضرتك بقى تروح تزور مريض فى العنايه المركزه ويشترطو عليك 10 دقايق فقط وتدفع 4 جنيه مصرى
واكيد هتاخد حاجه للمريض وانت رايح يعنى هتتغرم تمام والنبى ده مش حررااام
وطبعا ولا هتاخد مراتك ولا ابنك ال اكيد اهل المريض هيستنقصوها ( مراتك يعنى )
ميعرفوش ان الايد قصيره
انا شايف ان المبلغ كبير جدااا وظلم
والباشا وزير الصحه ميهموش اى حاجه فى العلاقات الانسانيه لانه بيه ابن بيه
راجل مستثمر بيستنفع حتى من المرض
الكلام طبعا لو مش عاجب سعادتك ك قارىء
يبقى يوميه حضرتك فوق ال 10 جنيه
والكلام مش موجه لحضرتك يا بيه
الفقير من حقه ياخد ثواب العلاقات الانسانيه يا جبلى
حسبى الله ونعم الوكيل
وروى مسلم عن أبي هريرة -رضي الله عنه- أن رسول الله -صلى الله عليه وسلم- قال: (إن الله -عز وجل- يقول يوم القيامة: يا بن آدم! مرضت فلم تعدني، قال: يارب كيف أعودك وأنت رب العالمين؟ قال: أما علمت أن عبدي فلان مرض فلم تعده، أما علمت أنك لو عُدته لو جدتني عنده!)
।
سامحنا يارب
هناك ٣ تعليقات:
الله عليك يا تيفا بجد
بس ابل ما نتكلم عن سعر التذكرة هو ازاي يكون في تذكرة اصلا
هو الزائر ده بيستهلك اي حاجه في المستشفى وده مقابل ليها؟
و لا الي داخل ده داخل يتفسح مثلا و يقضى وقت ؟
مش عارف بصاراحة دي رسوم ايه
الله المستعان
غالية أوى بجد هو ممكن فعلا ندفع رسوم بس مش كتير اوى كدة
انا ليا واحد صاحبى والدة كان كان محجوز فى مستشفى المبرة وهوة كان بيدخلة كل يوم يخدمة لانة كان فى حالى خطرة فى يوم يا جماعة مكنش معاة ثمن تذكرة الدخول وكان والدة محتاجلة جدا وفضل واقف برة لم يستطيع الدخول للمستشفى عشان يروح يشوف احتياجات والدة فانصرف صديقى وعيناة تغرغر بالدموع وعاد فى اليوم التالى واحضر ثمن التذكرة من احد اقاربة فقال لة ابوة انتا مجتنيش امبارح لية يا ابنى امنت محتاجلك اوى يا حبيبى فانهار صديقى من البكاء الشديد وبعد هاذا الموقف بثلاث ايام توفى ابوة الله يرحمة والى الان لم ينسى صديقى هاذا الموقف فكلما ذكرت مستشفى المبرة تزكر هاذا الموقف واصبح الموقف مرتبط بزاكرتة عند ذكر المستشفى
إرسال تعليق