الاثنين، ٢٨ يونيو ٢٠١٠

خالد مات سعيد


ايوه مش عشان خالد سعيد ولا عشان الصوره استفذت مشاعرى ولا عشان الظلم ال وقع عليه ولا قلبى اتقطع ولا حاجه ابداا ولا عشان شب صغير وتعامل بقسوه وتعذب قبل الوفاه ولا الكلام( السيكى مونس) ال عمالين تقولوه انا وقفت وهقف عشان حاجه وحده بس وهى انا كمان بتعامل بقسوه وعنجهيه وقله ذوق من الشرطه فى اى موقف يوقعنى فيه حظى ال ذى الفل معاهم .... ذى اى شب فى مصر انا وذى اى مصرى بتتعالى عليه الشرطه وبتحسسو انهم هما ال فيها والباقى لا مؤخذه ... وقفت احتجاجا لنفسى اولا
لاحساسى ببلطجه الشرطه علينا ك شعب مصرى لامؤخذه .... الشعب لما بيشوف كمين وهو ماشى صح بيخاف خوف الاعرابى فى الباديه زمان من قطاعين الطرق .... لما يدخل عليا المحل مخبر ولا امين شرطه لازم يعرفنى انه مخبر عشان خصم الشرطه العافيه من اكل عيشى ويحسسك انه جاب ९९ فى الميه عشان يبقى بلا فخر مخبر .... ولا لو كان اعلى شويه يبقى كابتن بتنجان ( امين شرطه اسم الله ) امين شرطه بقى كابتن يحسسك انه حسن شحاته او الطياره ركنه بره انا وقفت بختصار عشان ( قله ذوق وقله ادب الشرطه وعدم احترام اى مواطن وعشان المخبرين وامناء الشرطه ال بيرتشو وبيخدو فرده وبيشربو مخدرات ) عشان كده انا وقفت وهقف وانت لازم تقف عشان حقنا كلنا مش عشان خالد صعب عليك.... خالد مات سعيد اسمه كده لكن انت عايش مخنوق وهتموت متعذب واسمك مش سعيد